ಅನುವಾದಕ, ಲೇಖಕ ಕೆ.ಕೆ. ಗಂಗಾಧರನ್ ಹಾಸನದ ‘ಕೊಥಾರಿ ಕಾಫಿ ಕ್ಯೂರಿಂಗ್‌ ವರ್ಕ್ಸ್‌’ನಲ್ಲಿ ವೃತ್ತಿ ಜೀವನವನ್ನು ಆರಂಭಿಸಿದರು. ನಂತರದಲ್ಲಿ ಅಂಚೆ ಇಲಾಖೆಯ ರೈಲ್ವೆ ಮೇಲ್‌ ಸರ್ವಿಸ್‌ ವಿಭಾಗದಲ್ಲಿಯೂ ಕಾರ್ಯನಿರ್ವಹಿಸಿದ್ದಾರೆ.

‘ಮಾಫಿಯಾ’, ‘ಮಲಯಾಳಂನ ಶ್ರೇಷ್ಠ ಕಥೆಗಳು’, ‘ಬೇಸಿಗೆ ರಜೆ ಮತ್ತು ಇತರ ಕಥೆಗಳು’, ‘ಕಮಲಾದಾಸ: ಒಂದು ಪ್ರೀತಿಯ ಕತೆ ಮತ್ತು ಇತರ ಕತೆಗಳು’, ‘ಮರಳಿ ಮನೆಗೆ’, ‘ಅಷ್ಟಮಂಗಲ’, ‘ಕಮಲಾದಾಸ್ ಕಥೆಗಳು’, ‘ದಮಯಂತಿ’ ಸೇರಿದಂತೆ ಹಲವು ಕೃತಿಗಳನ್ನು ಪ್ರಕಟಿಸಿದ್ದಾರೆ.